Lioli FC, Tse nala tsa ha ’Mamathe, ke bompoli ba lipapali tsa tlholisano ea mariha e hlophisoang ke Alliance Insurance ka mor’a ho tokhotsa Tse Mponka tsa Motsemoholo Maseru, Matlama, ka mekoko e mene ho e ‘meli lipapaling tse tsoetsengpele lebaleng la DIFA Maputsoe ka Labosupa la ha khoeli ena, e hlola matsatsi mashome a mabeli a metso e robeli. Mpoli enoa oa Alliance Winter challenge, o tlohile moo a kibakiba ka likete tse mashome a mabeli a metso e mehlano tsa Maloti ha tse ling tse tharo li tla arolelana bohashana bo bokellelitsoeng lehekeng tsa lebala leo la Linare. Ha pejana ho moo, papaling ea ho tseka boemo ba boraro, La shushi familier LCS Masheshena, e ngoapile Tse tala tsa ’Mamosa le Molapo ka likoulu tse peli ho lehe. Lipapali tsena li ne hasoa ke bahlankana ba babeli Mpho Makara oa Mofokeng le Karabo Ketsahalo oa Motlokoa, ha Phokojoe ea Mofutsana, Tlou Sekhoane a ne a ne a hlahile thabeng.